"Қазақ халқына құрметпен қараймын": Спортшы сұхбаты үшін кешірім сұрады

07 Сәуір 2017, 13:03
0
"Қазақ халқына құрметпен қараймын": Спортшы сұхбаты үшін кешірім сұрады - Жұмағұлов және Али Багаутинов. © Instagram.com
Жұмағұлов және Али Багаутинов. © Instagram.com

Аралас жекпе-жек бойынша өнер көрсетіп жүрген спортшы Али Багаутинов қазақстандық Жалғас Жұмағұловтан кешірім сұрады, - деп хабарлайды Vesti.kz.

31 наурызда Мәскеуде өткен Fight Nights Global 62 турнирінде Жұмағұлов Алидің інісі Артур Багаутиновты нокаутпен жеңген болатын.  

Жекпе-жектен бірнеше күн бұрын Али Багаутинов журналистерге берген сұхбатында: "Мен сеніммен айта аламын, Артур ол қазақты "таптап" өтуі керек!", - деген болатын. 

Бүгін Али Багаутинов барлық қазақстандық алдында кешірім сұрады.

"Ассалам Алейкум, қазақ бауырлар. Жақында берген сұхбатымда інім мен Жалғас Жұмағұлов арасында өтетін жекпе-жек туралы тым қатты сөйледім. Мен Орынбор облысында 12 жасымнан бері тұрып келемін, ол Қазақстанмен шектеседі, көпшілігі - көршілер, достарым, сыныптастарым - қазақтар. Мен қазақ халқына құрметпен қараймын және намыстарыңызға тиетін ойым болмады! Жалғасқа чемпиондық жекпе-жекте жеңіс тілеймін! Жақында Қазақстанға келемін, бірге отырып бешбармақ жейміз!" - делінген Али Багаутиновтың Instagram желісіндегі ресми парақшасында.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай