Қазақстандық балуан еркін күрестен Нью-Делиде өтіп жатқан Азия чемпионатында жеңімпаз болды, - деп хабарлайды Olympic.kz.
120 келіде қазақстандық Юсуп Батырмурзаев финалда моңғолиялық Худербулга Доржхандты 10:0 есебімен жеңді. Ол жартылай финалда ирандық Парвиз Хадибасманждан, ширек финалда үндістандық Сатендерден басым түскен.
Осылайша, еркін күрестен Қазақстан қоржынына екінші алтын медаль түсті. Бұған дейін 74 келіге дейінгі салмақта белдескен балуан Данияр Қайсанов Азия чемпионы атанған еді.
