+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жүзуші Дмитрий Баландин Риодағы жеңісінен кейін оған қолдау көрсеткен қазақстандықтарға алғыс айтты, - деп хабарлайды Vesti.kz.
Жүзуші Дмитрий Баландин Риодағы жеңісінен кейін оған қолдау көрсеткен қазақстандықтарға алғыс айтты, - деп хабарлайды Vesti.kz.
"Мен үшін соңына дейін жанкүйер болып, сенген Қазақстанға алғыс айтамын. Бізді Олимпиадада қолдағандарыңыз үшін алғыс айтамын. Бұл шын мәнінде өте қиын. Теледидар алдында мұны сіздер сезбейсіздер. Бірақ ел ұйықтап жатқанда осындай сәтте жарысқа шығу өте қиын. Елді қуанту үшін жаныңды салу", - деді Олимпиада чемпионы жеңісінен кейін.
Айта кетейік, алғашқы 50 метр қашықтыққа жүзгенде ол алтыншы орында болған еді. "Мен кеше ғана жеңіске бастапқыда барлығынан озып бара жатқан емес, соңында келе жатқан адам жететінін айтқан едім. Бүгін мен осыны дәлелдедім. Мен жапондық Косуке Ишухирудың бастапқыда әлемдік рекордтан асып жүзіп келе жатқанын көрдім, бірақ соңғы қашықтықтарда оның әрі қарай жетуге шамасы болмады. Мен басқа не айтарымды да білмей тұрмын. Өте бақыттымын", - деді спортшы.
Осылайша Баландин Қазақстан тарихында тұңғыш рет жүзуден Олимпиада чемпионы атанды. Баландин 2:07.46 уақыт нәтижесімен финалда сенсация жасап, Қазақстан тарихында жүзу спортынан тұңғыш рет Олимпиада чемпионы атанып отыр. Сонымен қатар, Баландиннің сенсациялық жеңісінің видеосы жария болды.
