Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазақстанның гимнаст қыздары сегізінші медальді иеленді - Нанкин Олимпиадасы

27 Тамыз 2014, 20:00
0
©newsfiber.com
©newsfiber.com

Қазақстан құрамасы жасөспірімдер арасындағы Жазғы Олимпиада ойындарында өздерінің үздік көрсеткіштерін жаңартты, - деп хабарлайды Vesti.kz. Қытайдың Нанкин қаласындағы Олимпиадада гимнаст қыздарымыз сегізінші медальға қол жеткізді. Бұл төрт жыл бұрын болған көрсеткішке қарағанда, бір медальға артық. 

Жарыстың топтық жаттығуларында қазақстандық гимнастар үшінші орынға ие болды. Олардың көрсеткіші - 25,050 ұпай. Айта кеткен жөн, іріктеу кезінде еліміздің гимнаст қыздары төртінші орында болған. Алайда финалда олар Өзбекстан құрамасынан озып, қола жүлдені жұлып алды. Әмина Қожахмет, Әлия Молдахметова, Виктория Гуслякова, Дарья Медведева және Нұрай Құмарова өз еліне тағы бір медаль әкеліп, жасөспірімдер арасындағы Олимпиада тарихында алғаш рет жеңіс тұғырына көтерілді. Бірінші орында - Ресей, күміс медаль Болгарияға бұйырды. 

Бұған дейін Қазақстанның жас боксшы, әлемнің вице-чемпионы Вадим Казаков күміс медальді жеңіп алған болатын. Оның алдында бокстан жастар арасындағы әлем чемпионы Абылайхан Жүсіпов алтын медальді иеленді. Ол 60 келіге дейінгі салмақ дәрежесінде жұдырықтасады. Жүсіпов кубалық Алэйн Лимонте Будені жеңді. Айта кетейік, жекпе-жек барысында қазылар алқасы арасында екінші раундтың қалай аяқталғаны жөнінде талас туған. Дегенмен жеңіс Жүсіповтің пайдасына шешілді. Жетінші медальді еркін күрес палуаны Мұхамбет Қуатбек иеленді. Ол Қазақстан құрамасының үшінші алтынын жеңіп алды.

Алғашқы ірі жеңіске дзюдошы Бауыржан Жауынтаев қол жеткізген еді. 17 жастағы спортшы әзірбайжандық Натига Гурбанлиді жеңіп кетті. Оған дейін грек-рим күресінің палуаны Евгений Поливадов және ауыр атлеттер - Жасұлан Қалиев пен Татьяна Капустиналар қола медальді құрама қоржынына салған болатын.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай