Қызылордалық Диас Бахраддин Олимпиада чемпионы атанды

23 Қазан 2018, 17:22
0
Қызылордалық Диас Бахраддин Олимпиада чемпионы атанды - Диас Бахраддин.
Диас Бахраддин.

Қызылордалық Диас Бахраддин Олимпиада чемпионы атанды, - деп хабарлайды Tengrinews.kz тілшісі облыс әкімінің баспасөз қызметіне сілтеме жасап.

Бұл байдарка және каноэде есуден Қызылорда облысы және Қазақстан Республикасы спорты тарихындағы алғашқы медаль екен.

Аргентинаның Буэнос-Айрес қаласында жасөспірімдер Олимпиада ойындарында қызылордалық Диас Бахраддин байдарка және каноэде есуден алтын медальды иеленіп, еліміздің Әнұранын шырқатты. 

Каноэ бірлік бәсекесінде сынға түскен Диас іріктеу кезеңінде мәреге екінші болып келсе, ширек финалда украиналық спортшыны артта қалдырды. Ал жартылай финалда ол венгриялық спортшыдан озып, финалда өзбек спортшысымен түскен таласта 1:54.66 уақыт көрсеткішімен мәреге бірінші болып келді. 

Диас Бахраддин қазіргі таңда Қызылорда облысы Жалаңтөс Баһадүр атындағы олимпиадалық резервтің мамандандырылған мектеп-интернат-колледжінің 11-сыныбында оқиды. Байдарка және каноэде есуден ҚР спорт шебері. Ол бұған дейін 2 дүркін Қазақстан Республикасының чемпионы, күміс және бірнеше мәрте қола жүлдегері болса, биыл Испанияда өткен лицензиялық халықаралық турнирдің жеңімпазы атанды. Диасты жарысқа Мұхитдин Миербеков пен Диана Хазиева дайындады. 


Жалпы жасөспірімдер Олимпиада ойындарына облыстан 3 спортшы қатысты. Олар: байдарка және каноэде есуден Диас Бахраддин мен Эльнура Нұрланова, жеңіл атлетикадан Галина Панасенко. 
Эльнура Нұрланова каноэ есу жарысында үздік төртікке кірсе, жеңіл атлетикадан Галина Панасенко шеберлігін шыңдады. 

Айта кетейік, 2014 жылы дзюдодан жерлесіміз Бауыржан Жауынтаев жасөспірімдер Олимпиада ойындарының чемпионы атанған болатын.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай