Қазақстанда күрделі диагноздарды қайта тексеретін және зертханалық зерттеулердің сапасын бақылайтын республикалық референс-орталықтар институты заң деңгейінде енгізілді. Бұл туралы хабарлады Мәжіліс депутаты Асхат Аймағамбетов өзінің Telegram-арнасында мәлімдеді, деп хабарлайды TengriHealth.
Диагностика жүйесінде не өзгереді?
Мәжілісменнің жазуынша, елімізде жоғары технологиялық көмек көрсететін жетекші медициналық ұйымдар базасында республикалық референс-орталықтар құрылады.
Асхат Аймағамбетов тиісті түзетулер жаңа заңға қабылданғанын атап өтті.
"Қате диагноз қою - медицинадағы ең үлкен мәселелердің бірі. Бұл әсіресе онкологияда, сирек кездесетін ауруларда және молекулалық-генетикалық зерттеулерде өте қауіпті, өйткені бір ғана қателік адам өмірін қиюы мүмкін. Қазіргі уақытта еліміз бойынша клиникалардың деңгейі, мамандардың даярлығы мен зертханалардың сапасы әртүрлі, жүйесіздік байқалады", - деді ол.
Референс-орталықтар қалай жұмыс істейді?
Депутаттың айтуынша, ұлттық онкология орталықтарын қоса алғанда, жетекші медициналық мекемелер өңірлерден келетін күрделі талдауларды қайта тексере алады. Мысалы, мынадай зерттеулер:
- иммуногистохимиялық талдаулар (ИГХ),
- молекулалық-генетикалық тесттер,
- патологиялық-анатомиялық материалдар.
Орталықтар түпкілікті диагнозды растап, зертханалардың сапасын және емдеу хаттамаларының бірізділігін қадағалайды.
Аймағамбетовтың пікірінше, бұл медициналық қателіктерді барынша азайтуға және ең ауыр дерттерді дәл анықтау мүмкіндігін кеңейтуге жағдай жасайды.
Еске сала кетейік, Қазақ онкология және радиология ғылыми-зерттеу институтының мәліметінше, кейінгі 20 жылда Қазақстанда онкологиялық аурулардың жаңа жағдайлары 30 пайыздан астам өскен. Сонымен қатар дәрігерлер көптеген пациенттің көмекке кеш жүгінетінін және алтын уақытты жоғалтып алатынын айтады. Қазақстанда қазіргі таңда қатерлі ісікті емдеу қалай жолға қойылғаны, заманауи медицина қандай жаңа әдістер ұсынатыны және бұл ауру туралы кең таралған мифтердің неліктен қауіпті екені туралы толығырақ оқыңыз.
