+7 (777) 001 44 99
ПОДЕЛИТЬСЯ
Алматыдағы Дүниежүзілік қысқы Универсиада - Ойындар тарихындағы ең үздігі болуы мүмкін. Бұл туралы FISU Халықаралық студенттер спорты федерациясының бақылау кеңесінің төрағасы Мариан Дымальский Универсиаданың ұйымдастыру комитетіне жіберген хатында мәлімдеген, - деп хабарлайды Tengrinews.kz тілшісі almaty2017 сайтына сілтеме жасап.
Алматыдағы Дүниежүзілік қысқы Универсиада - Ойындар тарихындағы ең үздігі болуы мүмкін. Бұл туралы FISU Халықаралық студенттер спорты федерациясының бақылау кеңесінің төрағасы Мариан Дымальский Универсиаданың ұйымдастыру комитетіне жіберген хатында мәлімдеген, - деп хабарлайды Tengrinews.kz тілшісі almaty2017 сайтына сілтеме жасап.
Мұндай мәлімдемені Дымальский мырза жақында ғана Алматыда өткен делегация басшыларының жұмыс кездесуінен кейін жасап отыр.
"Делегация басшыларының кездесуіне 22 елдің қатысуы үлкен жетістік болып табылады. Ол жерде көтерілген мәселелер қысқы Универсиаданың сәтті өтуіне септігін тигізеді деп есептеймін. Делегаттардың соңғы кездесуінен кейін біз Ұйымдастыру комитетінің алдында тұрған барлық мәселені уақытысында шеше алатынына және де қысқы Универсиада тарихындағы ең үздік Ойындарды сәтті өткізе алатынына көз жеткіздік",- делінген FISU-дың жоғары лауазымды басшысының хатында.
Сондай-ақ Дымальский өз хатында, Делегация басшыларының жұмыс кездесуін, бақылау кеңесінің кездесулерін өткізген 2017 жылғы 28-ші Дүниежүзілік қысқы Универсиаданы ұйымдастыру комитетіне алғыс білдірген.
