Қазақстандық файтер Сергей Морозов (16-4-0) әлемдегі ең танымал промоушен UFC-мен (Ultimate Fighting Championship) келісімшартқа отырғаны туралы ақпаратқа қатысты пікір білдірді, - деп хабарлайды Vesti.kz.
Бұған дейін Жалғас Жұмағұлов "Спорт-Экспресске" берген сұхбатында Сергей Морозовтың UFC-мен келісімшарт жасасқанын мәлімдеген еді. Алайда, Морозовтың айтуынша, оның командасы әлі келіссөз жүргізіп жатыр екен.
"Қымбатты достар, интернетте менің UFC-мен келісімшартқа отырғаным туралы ақпарат шықты. Өкінішке қарай, бұл ақпарат шындыққа жанаспайды. Командамызбен келіссөз жүргізіп жатырмыз. Жақын арада сәтті аяқталады деп үміттенемін. Егер солай болса, команданың ресми парақшасынан біле аласыздар", - деп жазды Морозов Instagram желісіндегі парақшасында.
Егер келіссөз сәтті болса, Морозов UFC-дегі үшінші қазақстандық болады. Бұған дейін промоушенмен Жалғас Жұмағұлов және Шавкат Рахмонов келісімшарт жасасқан болатын.
Морозов - жеңіл салмақта M1 Challenge чемпионы. Соңғы жекпе-жегін 19 қазанда Нұр-Сұлтанда өткізген. M-1 Challenge105 турнирінің басты жекпе-жегінде америкалық Джош Реттингхаустан ревнаш алып, титулын қорғап қалған еді.
