Усэйн Болт футболшы мансабын бастау үшін клуб тапты

08 Қаңтар 2018, 16:03
2
Усэйн Болт футболшы мансабын бастау үшін клуб тапты -

100 метр жүгіруден Олимпиада ойындарының сегіз дүркін чемпионы ямайкалық Усэйн Болт футболшы мансабын бастау үшін клуб қарастырып жүр, - деп хабарлайды Daily Express.

"Жарақат артта қалды, қазіргі жағдайым жақсы. Наурызда дортмундтық "Боррусияда" сынақтан өтетін боламын. Соның нәтижесінде менің футболшы мансабымды бастау не бастамау шешілгелі тұр. Егер "Боррусияда" маған сәл жаттықсаң барлығы да жарап тұр десе, мен солай істеймін", - деді ямайкалық спринтер. 

Сонымен қатар, Болт "Манчестер Юнайтед" сапында өнер көрсетуді армандайтынын да жасырмады. "Мен Алекс Фергюсонмен сөйлестім, мен үшін бір ауыз жақсы пікір қосуын сұрадым. Ол маған денсаулығым дұрыс болып, жақсы формада болсам, бірдеме істеп көруге болатынын айтты", - деді ол. 

Маусымда жеңілатлет "Боруссияда" жаттығатынын айтқан еді.

2017 жылы тамызда ол Лондонда өткен әлем біріншілігіне эстафета жарысына қатысқан еді, алайда жарақатына байланысты мәре сызығын кесіп өте алмады. Соған қарамастан 100 метр қашықтыққа жүгіруден ол қола медальді иеленді. Осы турнир Болттың спорттық мансабындағы соңғы жарысы еді. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай