Халықаралық Олимпиада комитеті (ХОК) Олимпиада ойындарының бағдарламасына спорттың бес түрі - каратэ, серфинг, құзға шығу, скейтбординг пен бейсбол/софтболды қосуды қолдады, - деп хабарлайды Vesti.kz "Спорт-Экспресс" басылымына сілтеме жасап.
Сондай-ақ, спорттың бұл түрлерін 2020 жылы Токиода өтетін Олимпиада ойындарының бағдарламасына қосу жоспарланып отыр. Алайда, соңғы шешімді Халықаралық Олимпиада комитеті 3 тамызда айтады.
Айта кетейік, бейсбол 1992-2008 жылдар аралығында, ал софтбол 1996-2008 жылдар аралығында Олимпиада ойындарының бағдарламасында ресми түрде болған екен.
Еске салайық, 2016 жылы өтетін Олимпиада ойындары Рио-де-Жанейрода (Бразилия) 5-21 тамыз аралығында өтеді.
