+7 (777) 001 44 99
Қазақша
Русский
English
Қазақша
Русский
English
2024 жылға жеке тұлғалардың көлік салығын төлеу мерзімі 1 сәуірде аяқталады. Бұл туралы Алматы бойынша Мемлекеттік кірістер департаменті мәлімдеді, - деп хабарлайды Tengri Auto.
"2024 жылға жеке тұлғалардың көлік салығын төлеу мерзімі 1 сәуірде аяқталады. Егер салық уақтылы төленбесе, әр кешіктірілген күн үшін өсімпұл есептеледі", – деп хабарлады Алматы бойынша МКД.
Төлеуге тиісті салық сомасын әркім өзі есептеуі қажет. Мұны e-Salyq Azamat мобильді қосымшасы немесе Мемлекеттік кірістер комитетінің сайты арқылы жасауға болады.
15 наурыздан кейін автокөлік иелері банктердің мобильді қосымшалары арқылы алдын ала есептелген салық сомасы туралы push-хабарлама алады. Сондай-ақ, салықты банктердің қосымшалары немесе "Қазпошта" АҚ арқылы төлеуге болады.
Алматы бойынша МКД мәліметінше, 2024 жылдың қорытындысы бойынша қалада 456 мың адам 764 мың көлік құралын иеленген. 2023 жылмен салыстырғанда олардың саны 7 пайызға артқан, ал тиісті салықтың жалпы сомасы 19,6 миллиард теңгеден 21,9 миллиард теңгеге дейін өскен.
