+7 (777) 001 44 99
Қазақша
Русский
English
Қазақша
Русский
English
2025 жылғы шілдеде қазақстандықтарда қосымша бір күн демалу мүмкінгі болады. Tengri Life бос уақытты алдын ала жоспарлап, демалыс күндерін өткізіп алмау үшін ыңғайлы күнтізбе дайындады.
2025 жылғы шілдеде қазақстандықтарды басты мемлекеттік мерекелердің бірі – Астана күніне орай ұзақ демалыс күндері күтіп тұр. Бұл мереке дәстүрлі түрде 6 шілдеде атап өтіледі және ел астанасының 1998 жылы Алматыдан Астанаға көшірілуіне арналған.
Жыл сайын бүкіл ел бойынша ауқымды мерекелік іс-шаралар өтеді. Әсіресе Астанада мазмұнды бағдарлама жоспарланған. Елордада концерттер, фестивальдер, жәрмеңкелері мен көрмелер ұйымдастырылады.
Астана күніне орай қазақстандықтар қалай демалады?
2025 жылы 6 шілде жексенбіге сәйкес келеді, осыған байланысты "Мерекелер туралы" заңға сәйкес демалыс күні дүйсенбі – 7 шілдеге ауыстырылады. Осылайша, қазақстандықтарды қатарынан үш күндік демалыс күтеді: 5, 6 және 7 шілде.
Аптасына бес күн жұмыс істейтіндер үшін:
- 5, 6 және 7 шілде (сенбі, жексенбі, дүйсенбі) – демалыс күндері.
Аптасына алты күн жұмыс істейтіндер үшін:
- 5 шілде (сенбі) – жұмыс күні;
- 6 және 7 шілде (жексенбі мен дүйсенбі) – демалыс күндері.
Tengrinews.kz/Серикболсын Алибеков
2025 жылғы шілдеде қазақстандықтар қанша күн демалады?
2025 жылдың шілдесінде қазақстандықтар (5 күндік жұмыс аптасында) 9 күн демалып, 22 күн жұмыс істейді. Ал 6 күндік жұмыс кестесіне сай жұмыс істейтін тұрғындар 5 күн демалып, 26 күн жұмыс істейді.
Шілдедегі кәсіби мерекелер
Шілдеде ресми демалыс күндері болып саналмайтын кәсіби мерекелерге де бар. Міне, маңызды даталар тізімі:
- 2 шілде – Дипломатиялық қызмет күні;
- 6 шілде (айдың бірінші жексенбісі) – Теңіз және өзен көлігі қызметкерлерінің күні;
- 9 шілде – Су шаруашылығы қызметкерлерінің күні;
- 10 шілде – Ветеринария қызметкерлерінің күні;
- 13 шілде – Қазақстанның ұлттық қауіпсіздік органдарының күні;
- 13 шілде (айдың екінші жексенбісі) – Балық шаруашылығы қызметкерлерінің күні;
- 14 шілде – Нотариат күні;
- 20 шілде (айдың үшінші жексенбісі) – Металлург күні;
- 27 шілде (айдың төртінші жексенбісі) – Сауда қызметкерлерінің күні.
