Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Солтүстік Корея Обаманың сынына жауап қайтарды

27 Сәуір 2014, 17:49
0

Солтүстік Корея Барак Обаманың сынына тіл тигізе жауап қайтарды, - деп хабарлайды РИА Новости The Guardian басылымына сілтеме жасап.

КХДР басылымдары Оңтүстік Корея президенті Пак Кын Хені "жұрттың көңілін көтеруші әйел", ал Обаманы "оның қожайыны" деп атады. Өзінің Оңтүстік Кореяға екі күндік сапары барысында АҚШ президенті КХДР-ды "аластатылған мемлекет" (немесе "шіріген жұмыртқа" - авт.) деп атап, егер бұл ел кезекті ядролық сынақты жүргізетін болса, әлемнен одан әрі оқшаулана беретінін айтқан еді. Сонымен бірге, Оңтүстік Корея мен АҚШ басшылары халықаралық құқықты бұзғаны үшін Пхеньянға қарсы санкциялардың күшейтілетінін мәлімдеді.

КХДР Сеул мен Вашингтонның бұл мәлімдемесін "төзуге болмайтын сын" деп бағалады. "Егер Обама мен Пак Кын Хе қауіп төндіру мен шантаж біздің ақылымызды өзгертеді деп топшыласа, олардың ақымақ болғаны", - деп мәлімдеді Кореяның бейбіт жолмен бірігуі жөніндегі комитеттің солтүстіккореялық бөлімшесінің өкілдері.

Ал Пхеньяндағы Корея орталық телеграф агенттігінің өкілдері "Обаманың бұл жолғы сапары сөзге емес, іске сенуге болатынын көрсетіп, біздің алған беттен таймауға дайындығымызды күшейтті", - деп хабарлады. Солтүстіккореялық басылымдар Обаманың оқушылар мінген "Севол" паромының апатына немқұрайды қарағанын жазды. "Егер Обама моральдан жұрдай болмаса, сапарын кейінге қалдырар еді", - дейді орталық телеграф агенттігі.

Пхеньян басылымдары Оңтүстік Корея басшысын да "оңдырмады". "Ол өзінің жағымпаз, сатқын, жұрттың көңілін көтеруші әйел ретіндегі шын бет-жүзін көрсетті, ол елін сатып жіберуге даяр", - деп хабарлады телеграф агенттігі. Елдің ресми ақпарат құралдары Солтүстік Кореяның "толық ауқымды ядролық соғысқа" дайын екенін де мәлімдеді.

 

 


 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай