Tesla, SpaceX компанияларының негізін қалаушы, кәсіпкер Илон Маск 3 жылдан соң Tesla көлігінің бюджеттік моделі шығатынын айтты, - деп хабарлайды Tengrinews.kz тілшісі The Verge сайтына сілтеме жасап.
Жаңа көліктің бағасы 25 мың доллар (10,6 миллиона тенге) болмақ.
Сайттың мәліметінше, бүгінде ең арзан Tesla Model 3 седанының құны 37 990 доллар (16 миллион теңге). Ал ең қымбат Model X көлігі, оның бағасы 79 990 доллардан (33,9 миллион теңге) басталады.
Илон Масктың айтуынша, көлікті жаңа аккумулятормен жабдықтау арқылы электрмобиль бағасын арзандатуға болады. Ол мұндай аккумулятор әлдеқайда күшті және 2 есе арзан болатынын айтады.
Соңғы 10 жылда заманауи электромобильдегі аккумуляторлардың сыйымдылығын өлшеу үшін қолданылатын кВт/сағ (киловатт-сағат) энергия бірлігінің бағасы күрт төмендеген. 2010 жылы бір кВт / сағ үшін баға 1100 доллар, ал 2010 жылы ол бір кВт/сағ үшін 156 долларға, яғни 87 пайызға төмендепті.
Сарапшылар 2023 жылға қарай баға бір кВт/сағ үшін 100 долларға жетеді деген болжам жасап отыр.
Қазақстан жаңалықтары. Соңғы жаңалықтар. Telegram желісінде бізге жазыл!
