Альвареспен жұдырықтасуға дайынмын - Головкин

05 Тамыз, 13:17
0
Альвареспен жұдырықтасуға дайынмын - Головкин - © Тұрар Қазанғапов
© Тұрар Қазанғапов

Орта салмақтағы бұрынғы әлем чемпионы қазақстандық Геннадий Головкин Халықаралық бокс федерациясының (IBF) Сауль "Канело" Альваресті (52-1-2, 35 КО) чемпиондық титулынан айыру туралы шешіміне пікір білдірді, - деп хабарлайды Vesti.kz тілшісі.

"Кім біледі. Өзінен сұрап көріңіз, мен дайынмын", - деді Головкин Альвареспен үшінші жекпе-жектің болу мүмкіндігі туралы LA TImes сұрағына жауап ретінде.

Енді Головкинді қазанның соңында немесе қарашаның басында болатын бос IBF титулы үшін Деревянченкомен жекпе-жек күтіп тұр. 

"Қазір осы бағытта жұмыс істеп жатырмыз", - деді Головкин.

Айта кетейік, Халықаралық бокс федерациясы (IBF) мексикалық Сауль Альварестен орта салмақтағы әлем чемпионы титулын тартып алды. Головкин де IBF титулынан 2018 жылы осыған ұқсас жағдайда айырылған еді - ол да Деревянченкомен жұдырықтасудан бас тартқан. 2018 жылы қазанда украиналық боксшы бос тұрған титулды америкалық Дэниэл Джейкобспен сарапқа салып, төрешілер шешімімен жеңілген.

Ал биыл мамырда IBF титулының иегері өзгерді - Джейкобс Альварестен жеңіліп қалған. Ал Деревянченко Джек Кулькайға қарсы іріктеу жекпе-жегін өткізіп, тағы да міндетті үміткер атанған болатын. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай