Андре Уорд Сергей Ковалевті жеңіп, үш титулын тартып алды

20 Қараша 2016, 11:32
0
Андре Уорд Сергей Ковалевті жеңіп, үш титулын тартып алды - © theguardian.com
© theguardian.com
Андре Уорд Сергей Ковалевті жеңіп, үш титулын тартып алды -

Жартылай ауыр салмақ санатында өнер көрсететін ресейлік боксшы Сергей Ковалев (30-0-1, 26 КО) пен америкалық Андре Уорд (30-0, 15 КО) арасындағы WBA Super, IBF, WBO титулдары үшін жекпе-жек Андре Уорд пайдасына шешілді, - деп хабарлайды Тengrinews.kz тілшісі. 

Кездесудің екінші минутында күтпеген жерден соққы жасаған Сергей Ковалев кәсіпқой бокс мансабында жеңіліп көрмеген америкалық Андре Уордты бірінші ногдаунға жіберді. 

Боксшылардың кездесуі 19 қарашада Лас-Вегаста "T-Mobile Arena" спорт аренасында өтті. 33 жастағы Ковалев жекпе-жектен екі миллион доллар алса, 32 жастағы Уорд бес миллион доллар алады. Екі боксшы үшін бұл рекордтық сома болып тұр. 

Лас-Вегаста "T-Mobile Arena" спорт аренасына жартылай ауыр салмақтағы екі мықтының жекпе-жегін тамашалауға қазақстандық боксшы Геннадий Головкин өзінің бапкері Абель Санчеспен келген.

Сергей Ковалев - 33 жастағы ресейлік кәсіпқой боксшы. WBA Super, IBF, WBO нұсқалары бойынша әлем чемпионы. 2014 жылы The Ring, WBO, Sports Illustrated, USA Today журналдарының нұсқасы бойынша үздік боксшы атанды. Лақап аты - Krusher (ағылшын тілінен аударғанда "Талқандаушы").

Андре Уорд - 32 жастағы американдық кәсіпқой боксшы. WBA, WBC, The Ring нұсқасы бойынша екінші орта салмақта әлем чемпионы. 2004 жылы кәсіпқой бокста өнер көрсете бастады. Лақап аты - S.O.G ("Son of God" - ағылшын тілінен аударғанда "Құдайдың ұлы").

Сонымен қатар осы бокс кешінде 23 жастағы қазақстандық боксшы Мейірім Нұрсұлтанов кәсіпқой бокстағы бірінші кездесуінде жеңіске жетті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай