Астанадағы бокс кеші: Айдос Ербосынұлының қарсыласы екінші раундқа шығудан бас тартты

07 Шілде 2018, 17:18
0
Астанадағы бокс кеші: Айдос Ербосынұлының қарсыласы екінші раундқа шығудан бас тартты - Боксшының жеке мұрағатынан алынған сурет
Боксшының жеке мұрағатынан алынған сурет

Қазақстандық боксшы Айдос Ербосынұлы (8-0, 7 КО) сегізінші жеңісіне қол жеткізді, деп хабарлайды Vesti.kz.

26 жастағы Айдос Астанада өтіп жатқан бокс кешінің шеңберінде 29 жастағы әзірбайжандық Исмат Эйнуллаевпен (13-4, 9 КО) жұдырықтасты. Жекпе-жекте WBA Asia чемпиондық белдігі бәске тігілді.

Жекпе-жек он раундтқа есептелген, алайда алғашқы үш минутта Ербосынұлы қарсыласын екі рет нокдаунға түсірді, бірақ ол есін жиып, қайта жұдырықтасты.

Дегенмен, әзірбайжандық боксшы екінші раундқа шығудан бас тартты. Осылайша, Ербосынұлы техникалық нокаутпен жеңіп, WBA Asia белдігін иеленді.

Сонымен қатар, бұл кештің шеңберінде қазақстандық Бобиржан Моминов (7-0, 6 КО) грузиялық Георгий Блиадземен (7-7, 2 КО) жекпе-жек өткізіп, уақытынан бұрын жеңіске жетті, бұл оның қоржынындағы жетінші жеңіс.

Айта кетейік, бұл кештегі ең басты оқиға бірінші ауыр салмақта WBA (Regular) тұжырымы бойынша әлем чемпионының белдігі тігілетін кездесу болады, жекпе-жек қазақстандық Бейбіт Шүменов пен түркиялық боксшы Хизни Алтункая арасында өтеді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай