17 сәуір 2014 14:38

"Баку оттарына" қарсы шығатын "арландар" анықталды

ПОДЕЛИТЬСЯ

Фото flickr.com сайтынан алынды Фото flickr.com сайтынан алынды

Бүкіләлемдік бокс сериясында (WSB) ел намысын қорғайтын "Астана арландары" клубы әзірбайжандық "Baku Fires" командасымен өтетін алғашқы жартылай финалдық кездесуге қатысатын боксшылардың есімін жариялады, - деп хабарлайды Tengrinews.kz.


Бүкіләлемдік бокс сериясында (WSB) ел намысын қорғайтын "Астана арландары" клубы әзірбайжандық "Baku Fires" командасымен өтетін алғашқы жартылай финалдық кездесуге қатысатын боксшылардың есімін жариялады, - деп хабарлайды Tengrinews.kz.

"Астана арландарының" бас бапкері алдағы кездесуге екі құрамды дайындап отыр. Егер, жартылай финалға дейін қайсыбір боксшы жарақат алып қалса, оны екінші боксшы алмастыратын болады. Сонымен "Баку оттарына" қарсы шығатын боксшыларға тоқталсақ. Сергей Корчинский 49 келіде Мардан Берікбаевты дайындап жатыр. Оны Теміртас Жүсіпов алмастыруы мүмкін. 56 келіде Мәди Шолақов жұдырықтасады. Оны алмастыратын боксшы - Бағдат Әлімбеков.

64 келіде Жәнібек Әжібайға мүмкіндік беріліп отыр. Бұл салмақтағы бірінші нөмірлі боксшысы Асхат Уәлиханов қосалқы құрамға енгізілді. Жанкүйерлер 75 келіде Ерік Әлжановты шаршы алаңнан көре алады. Сергей Деревянченко оны ауыстыруға дайын.

Соңғы болып шаршы алаңға 91 келі салмақта Василий Левит шығады. Екінші құрамда - Арбек Әбдіғаниев. Ал әзірбайжандық команданың құрамы әлі жарияланған жоқ.

Естеріңізге сала кетейік, "Астана арландары" Дүниежүзілік бокс сериясының төртінші маусымында әзірбайжандық "Baku Fires" командасына қарсы бірінші кездесуін 26 сәуірде Астанада, ал қарымта матчты 3 мамырда Бакуде өткізеді. Елордадағы кездесу республикалық "Сарыарқа" велотрегінде өтеді деп жоспарлануда. 

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети