+7 (777) 001 44 99
Қазақша
Русский
English
Төрт салмақ дәрежесі бойынша экс-чемпион Рой Джонс кіші боксшылардың WBA (Super), IBO және WBC Interim тұжырымдары бойынша орта салмақтағы чемпион Геннадий Головкинмен кездесуден қашатындарын айтты, - деп хабарлайды Vesti.kz.
Спортшының айтуынша, қазақстандықпен жекпе-жекке берілетін гонорар тым аз. "Головкинмен кездесуге берілетін ақша тәуекел жасауға тұрмайды, одан кейін спортшылар ақша жақсы таба алмайды. Сондықтан да боксшылар онымен кездесуден қашады", - деді ол.
Экс-чемпион қазақстандыққа ресейлік Матвей Коробовпен кездесуді ұсынды. "Олардың рингте жұдырықтасу тәсілдері ұқсайды", - деді Рой.
Айта кетейік, Коробов өткен жылдың желтоқсанында орта салмақта WBO тұжырымы бойынша чемпиондық атаққа ағылшын Энди Лимен таласып, жеңіліп қалған болатын. Ол 32 кездесу өткізді, оның 24-де ғана жеңіске жетті.
Қазақстандық боксшы Геннадий Головкин 17 мамырда америкалық Вилли Монро кішімен кездесіп, оны 6-шы раундта жеңген болатын. Головкин 33 жекпе-жек өткізіп, барлығында жеңіске жетті. 24 жекпе-жекті уақытынан бұрын аяқтады.
