"Бұл мексикалық мерекелердің бірі болады" - Промоутер Головкин мен Альварестің үшінші жекпе-жегі жайлы

22 Мамыр, 09:21
0
Фото: reviewjournal.com
Фото: reviewjournal.com

Орта салмақта бұрынғы әлем чемпионы Геннадий Головкиннің промоутері Том Леффлер қазақстандық боксшы мен мексикалық Сауль Альварес арасындағы үшінші жекпе-жекке қатысты пікірін айтты, - деп хабарлайды Vesti.kz

Боксшылар Лас-Вегаста екі рет жұдырықтасқан: 2017 жылы қыркүйекте олардың алғашқы жекпе-жегі тең аяқталса, бір жылдан соң сол аренада мексикалық боксшы төрешілер шешімімен жеңіске жеткен. Осылайша, қазақстандық боксшы өз карьерасында алғаш рет жеңіліп, WBC, WBA (Super) және IBO титулдарынан айырылған еді. 

Головкин енді 8 маусымда Нью-Йорктегі Madison Square Garden аренасында кездесу өткізеді. Қарсыласы - канадалық Стив Роллс. Жекпе-жек аралық 164 фунт салмақта өтеді. 

"Альвареске қарсы екі жекпе-жекте кімнің жеңгеніне байланысты түрлі пікірлер бар. Әрине, біз бұл кездесулерде GGG жеңіп, ол орта салмақтағы ең үздік боксшы болып қала береді деп санаймыз. Бұл, расымен де, халық чемпионының рингке оралуы болады.

Қарсыласымыз - Стив Роллс секілді әлі жеңілмеген әрі "аш" боксшы, ол Головкиннің карьерасындағы табыстарының бәрін тартып алуы мүмкін - бұл кезеңде мұндай жекпе-жектер GGG-ке қауіп төндіреді.

Болашақта "Канелоға" қарсы үшінші жекпе-жек өтуі ықтимал. Бірақ GGG Стив секілді боксшыны дұрыс бағаламаса, бұл жоспардың бәрін бұзып жіберуі ықтимал.

Головкин екі рет Madison Square Garden мен Forum аренасында жұдырықтасты. T-Mobile Arena мен O2 Arena-ны екі рет толтырды. Геннадий бұл спорттың әлемдегі елшісі саналады. Меніңше, Головкин - орта салмақ дәрежесіндегі ең үздік боксшылардың бірі.

Головкин мен "Канелоның" қай күні қайта кездесетіні маңызды емес, бұл мексикалық мерекелердің бірі болады. Күнтізбедегі күнге қарамастан", - деді Леффлер. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай