1. Басты
  2. Біл
  3. Спорт
  4. Бокс

DAZN Головкиннің 100 миллион доллар гонорарына байланысты келісімшартты қайта қарайды 23 қараша 2020, 08:27

IBF және IBO нұсқалары бойынша орта салмақтағы әлем чемпионы, қазақстандық боксшы Геннадий Головкин (40-1-1, 35 КО) және DAZN стриминг сервисі
Фото: matchroomboxing.com Фото: matchroomboxing.com

IBF және IBO нұсқалары бойынша орта салмақтағы әлем чемпионы, қазақстандық боксшы Геннадий Головкин (40-1-1, 35 КО) және DAZN стриминг сервисі бұрын қол қойылған шартты қайта қарастыру туралы келіссөз жүргізіп жатыр. Бұл туралы The Athletic жазады, - деп хабарлайды Tengrinews.kz тілшісі Vesti.kz басылымына сілтеме жасап.

Келісімшарт бойынша Головкин алты кездесу үшін 100 миллион доллар табуы керек еді. Қазақстандық тағы үш жекпе-жек өткізуі керек. Бірақ DAZN өкілдері боксшыдан келісімнің шарттарын қайта қарауды сұраған. Ондағы шарт мынадай еді: оған әр жекпе-жек үшін 15 миллион доллар гонарар берілуі керек. 

The Athletic инсайдері Майк Коппинджердің мәліметінше, тараптардың шартты қайта қарау туралы келіссөзі аяқталып қалды. 

"Дереккөздер Головкин мен DAZN Камил Шереметаға қарсы жекпе-жек туралы келісімді қайта қарастыруды аяқтап қалғанын айтты. Кездесу 18 желтоқсанда Флоридада өтуі мүмкін. DAZN қазақстандық боксшыдан гонорарын қысқартуды сұраған. Алты жекпе-жектің әрқайсынан ол 15 миллион доллар гонорар алуы керек болатын", - деп жазды Коппинджер Twitter желісінде.

Головкин  рингке соңғы рет 2019 жылғы қазанда Нью-Йоркте (АҚШ) шықты. Ол кезде украиналық Сергей Деревянченконы жеңіп, екі титуk алған. Сол шоу кезінде Шеремета мексикалық Оскар Кортесті нокаутқа түсірген.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!