Қазақстандық боксшы Данияр Елеусінов Рио Олимпиадасының жартылай финалына шықты, - деп хабарлайды Vesti.kz.
69 келіге дейінгі салмақ дәрежесіндегі ширек финалда ол венесуэлалық Габриэль Маэстрені 3:0 есебімен жеңді.
Елеусінов жекпе-жегінен кейін өзінің әдісі жайлы және жеңісін жұбайына, анасына және Қазақстанға арнайтынын айтты.
Елеусінов пен Маэстренің жекпе-жегінің толық видеосы.
Жартылай финалда Елеусінов француз спортшысы Сүлейман Сиссокомен жұдырықтасады. Бұл кездесу 16 тамызда Астана уақыты бойынша сағат 3:30-де өтеді.
Айта кетейік, бұл жекпе-жекті америкалық бокстың жұлдызы Флойд Мейвезер келіп көріпті. Ол Елеусіновтің жеңісіне қол шапалақтаған.