Болашағынан үміт күттіретін америкалық боксшы Давид Бенавидес орта салмақта WBA (Super), IBO, WBC және IBF тұжырымдары бойынша әлем чемпионы Геннадий Головкинмен (36-0, 33 КО) жаттығу кезіндегі жұдырықтасулардан кейінгі әсерін, сонымен қатар, қазақстандықтың америкалық Дэниэл Джейкобспен (32-1, 29 КО) алдағы жекпе-жегіне болжамын айтты, - деп хабарлайды Vesti.kz қазақ бөлімі.
Ал осыған дейін Бенавидестің Головкиннің жаттығу лагеріне келгені белгілі болған еді. 20 жастағы америкалық жартылай орта салмақта жұдырықтасады. Ол 17 жекпе-жектің 16-сын нокаутпен жеңген.
"Мен онымен спаррингке шыққанмын, ол кезде 15-те едім. Енді тағы да шығамын, қазір 20-дамын. Головкин - құбыжық, жыртқыш десем де болады. Онымен ешкім күш сынаса алмайды, бәрін қиратады. Ол ұлы спортшы, ақылды боксшы. Онымен бірге жұмыс істеу маған зор тәжірибе береді", - деді ол.
Ал Головкиннің Джейкобспен кездесуге қатысты пікірінде ол америкалықтың мықтылғын баса айтты. "Меніңше, Джейкобс - қатаң боксшы. Соңғы жекпе-жектерінде ол нағыз төбелес жасады, қарсыластарын жылдам нокаутқа түірді. Меніңше, Головкинмен керемет жекпе-жек өткізеді. Екі боксшы да аш, жеңілгісі келмейді. Кімнің жеңетінін білмеймін, алайда бұл тамаша бокс болады", - деді Бенавидес ALEETBOXING басылымына берген сұхбатында.