+7 (777) 001 44 99
ПОДЕЛИТЬСЯ
K2 Promotions промоутерлік компаниясы 2016 жылдың қорытындысын жасап, түрлі аталымдар бойынша жеңімпаздарды атады, - деп хабарлайды Vesti.kz boxingnews24.com сайтына сілтеме жасап.
K2 Promotions промоутерлік компаниясы 2016 жылдың қорытындысын жасап, түрлі аталымдар бойынша жеңімпаздарды атады, - деп хабарлайды Vesti.kz boxingnews24.com сайтына сілтеме жасап.
Осылайша, 10 қыркүйек күні Геннадий Головкин мен ұлыбритандық боксшы Келл Бруктің Лондонда өткен жекпе-жегі жыл оқиғасы ретінде мойындалды.
Ол кезде бірінші күні-ақ 11 минутта 19 мыңнан аса билет сатылғаны айтылады, ал Головкин үшін бұл Ұлыбританиядағы алғашқы жекпе-жек болған еді.
Жекпе-жек бесінші раундта Бруктің секунданты рингке ақ орамал тастаған соң бірден тоқтатылған болатын. Кейін ұлыбританиялық боксшы Головкин екінші раундата-ақ оның көз ұясының сүйегін сындырып жібергенін айтқан еді.
Головкин 36 жекпе-жек өткізіп бәрін де жеңіспен, ал 33 кездесуін нокаутпен аяқтаған. Сонымен қатар, қазақстандық 23 жекпе-жекті уақытынан бұрын аяқтап, орта салмақ дәрежесіндегі тарихтағы ең үздік нокаутшы атанған еді.
"Жыл бапкерін" екінші рет қатарынан Абель Санчес алып отыр. Ол Головкинмен қатар, Мурат Гассиев, Денис Шафиков, Энди Руис, Алекс Сауседо мен Константин Пономаревті де жаттықтырады.
Жыл боксшысы атағы Роман Гонсалеске бұйырды.
Еске салайық, Головкин-Брук жекпе-жегін Бүкіләлемдік бокс кеңесі де (WBC) "Жыл оқиғасы" деп мойындаған болатын. Сонымен бірге, қазақстандық WBC-дан ең басым келетін боксшы ретінде арнайы сыйлыққа ие болған.
