Головкин - "Канело" қарымта жекпе-жегі туралы ресми хабардың қашан жарияланатыны анықталды

11 Қаңтар 2018, 15:56
0
Головкин - "Канело" қарымта жекпе-жегі туралы ресми хабардың қашан жарияланатыны анықталды - © boxingscene.com
© boxingscene.com

Қазақстандық Геннадий Головкин мен мексикалық Сауль "Канело" Альварестің командалары арасындағы қарымта кездесу бойынша келіссөз аяталуға жақын, - деп хабарлайды ESPN Deportes.

Golden Boy Promotions компаниясындағы мәлімет көзінің ақпаратынша, қарымта жекпе-жек туралы ресми хабар осы немесе келесі аптада айтылады. Тараптарға ұсақ-түйекті келісу ғана қалған.

Мұның алдында Fox Deportes тараптардың қарымта кездесу мерзімін белгілегенін хабарлаған. Басылым мәліметінше, Головкин-Альварес жекпе-жегі 5 мамырда Синко де Майода өтеді.

Дегенмен екінші жекпе-жектің орны әлі белгісіз. Бұл бокс кешін өткізуге Лас-Вегастағы T-Mobile Arena басты үміткер болып отыр.

Айта кетейік, Головкин - "Канело" жекпе-жегі T-Mobile аренасында көрермендердің жиналуы бойынша рекорд орнатқан. Daily Mail мәліметінше, бұл жекпе-жектен қазақстандық боксшы 25 миллион доллар, ал мексикалық 16 миллион доллар табыс көрген. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай