Головкин реваншқа қалай дайындалып жатыр - лагерде түсірілген видео 21 наурыз 2018, 18:00
Fight Hub TV каналы қазақстандық боксшы Геннадий Головкиннің мексикалық Сауль "Канело" Альвареске қарсы екінші жекпе-жегіне қалай дайындалып жатқаны түсірілген видеоны жариялады, деп хабарлады Vesti.kz.
Айта кетейік, 5 мамырға белгіленген Головкин - Альварес арасындағы реванш матч Лас-Вегаста T-Mobile аренасында өтеді. Головкин Калифорниядағы Абель Санчестің Big Bear лагерінде жаттығып жүр.
Головкин мен Альварестің алғашқы жекпе-жегі 2017 жылдың 16 қыркүйегінде Лас-Вегаста өткен болатын. 12 раундқа созылған жекпе-жек тең есеппен аяқталған еді.