Golden Boy промоутерлік компаниясының бұрынғы атқарушы директоры Ричард Шефер Сауль "Канело" Альварес пен қазақстандық Геннадий Головин арасындағы өтуі мүмкін жекпе-жекке қатысты болжамын айтты, деп хабарлайды Vesti.kz.
"Меніңше, "Канело" бұл жекпе-жекте жеңіске жетеді. "Канелоны" жете бағалап жатқан жоқ, ал Головкинді асыра мақтап кетті. Головкин соққы өткізіп алуы мүмкін. Ол "трипл Джи", супермен емес", - деді Шефер
Сонымен қатар, ол Альварес командасының қазақстандыққа жекпе-жек үшін белгіленген гонорар ұсынғаны дұрыс емес деп есептейді.
"Канелоның соңғы PPV жекпе-жегі сондай бір жетістікке жетпеді. Ал Головкиннің аты бүгінгі спорт әлемінде ең танымалдардың бірі. Бұл кездесу миллионнан астам PPV жинауы керек", - дейді промоутер.
Шефердің пікірінше, гонорарды бөлу қажеттілігіне қарамастан Альварестің үлесі қазақстандық боксшыдан гөрі артық болуы керек. Сонымен бірге, ол бұл екі боксшының арасындағы жекпе-жекті 2017 жылға дейін созбас едім дейді.
"Мен бұл жекпе-жекті қазір өткізер едім. Күтудің не қажеті бар? Не үшін? Айтыңдаршы? Мен Оскар Де Ла Хойя не күтіп жүргенін түсінбедім?", - деп аяқтады Шефер.
