Орта салмақта жаңа WBO regular чемпионы Жәнібек Әлімханұлы (12-0, 8 КО) WBA Super, IBF және IBO титулдарының иесі қазақстандық Геннадий Головкинмен жекпе-жек өткізу туралы сұраққа жауап берді, - деп хабарлайды Vesti.kz
WBO-ның "уақытша" чемпионы GGG-ге қарсы шықпайтынын айтып, себебін түсіндірді.
- Головкин мексикалық бокс стилін көрсетеді, ал сен - қазақша. Онымен жекпе-жек өткізу ойда жоқ па?
- Бұл қазақ дәстүріне жат қылық, біз үлкенге қол көтермейміз. Головкин жоғары дивизионға жоғары көтеріледі деп үміттенемін, өйткені мен орта салмақтағы барлық белбеуді жинағым келеді, - деді Әлімханұлы.
Еске салайық, бүгін Әлімханұлы Дигнумды нокаутқа түсіріп, уақытша әлем чемпионы атанды. Орта салмақта WBO әлем чемпионы титулы америкалық - Деметриус Андрадеде (31-0, 19 КО), оны ұйым Әлімханұлымен жұдырықтасуға міндеттеген. Егер америкалық жекпе-жектен бас тартса, Әлімханұлы титулды жекпе-жексіз жеңіп ала алады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
