Жәнібек Әлімханұлының бапкері чемпиондық титул туралы мәлімдеме жасады 19 мамыр 2022, 11:52
Жәнібек Әлімханұлының (11-0, 7 КО) бапкері Джеймс "Бадди" МакГирт орта салмақта WBO "уақытша" чемпионы титулы сарапқа салынатын жекпе-жек туралы ойын айтты, - деп хабарлайды Vesti.kz.
Ұлыбританиялық Дэнни Дигнумге (14-0-1, 8 KO) қарсы жекпе-жек Қазақстан уақытымен 22 мамырда ертеңгісін Лас-Вегаста өтеді.
Қазақстандық боксшы Лас-Вегасқа жеткен сәттің видеосын жариялады, ал оның бапкері мәлімдеме жасады.
"Лас-Вегасқа жеттік, чемпиондық титулды алуға келдік", - деді МакГирт.
Бұған дейін Әлімханұлының жекпе-жегі Қазақстанда қайдан көрсетілетіні хабарланған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!