Қазақстандық боксшы Айдос Ербосынұлы кәсіби рингте екінші рет жеңіске жетті, - деп хабарлайды Vesti.kz.
Айдос Ербосынұлы өз салмақ дәрежесінде украиналық Денис Поднебесныймен кездесті. Екі боксшы арасында Украинада өткен жекпе-жек төртінші раундта тоқтатылды. Ербосынұлының тарапынан болған бірнеше соққыдан кейін Поднебесныйдың өкілдері кездесуді тоқтату туралы шешім қабылдады. Толығырақ мына жерден оқи аласыздар.
Осылайша, 23 жастағы Ербосынұлы кәсіби бокста екінші рет жеңіске жетіп отыр. Бұған дейін ол алғашқы кездесуін қазан айының басында Беларусь боксшысы Андрей Долгожиевке қарсы өткізген еді. Қазақстандық боксшы бірінші раундта жеңіске жетті.
