+7 (777) 001 44 99
Қазақша
Русский
English
Қазақстандық боксшы Сәкен Бибосынов әлем чемпионы атанды, - деп хабарлайды Tengrinews.kz тілшісі.
51 келіге дейінгі салмақта Сәкен әлем чемпионатының алтын медалін америкалық Роско Хиллмен сарапқа салды. Қазақстандық боксшы қарсыласын 5:0 есебімен жеңіп, алтын жүлдеге ие болды.
Бибосынов жартылай финалда таиландтық Тханарат Саенгпфетті жеңген. Ал оның алдында өзбекстандық Хасанбой Дусматовтан, үндістандық Дипактан, колумбиялық Ривас Мартинестен басым түскен.
Бұл - Қазақстан құрамасының Белградтағы әлем чемпионатында алған екінші "алтыны". Бұған дейін Теміртас Жүсіпов әлем чемпионы атанған еді. Одан бөлек Махмуд Сабырхан - күміс, Абылайхан Жүсіпов қола медаль еншілеген болатын.
Еске салайық, Сәкен Бибосынов биыл Токиода өткен Олимпиада ойындарында қола медаль алған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
