Қазақстандық кәсіпқой боксшы Қанат Ислам АҚШ-тағы жекпе-жегінің қарсаңында спарринг өткізді. Жекпе-жектің видеосы YouTube хостингіндегі BerikTV арнасында пайда болды. Бұл арнада жекпе-жек қарсаңындағы баспасөз мәслихатының және спортшының жаттығуының видеосы да жарияланған.
Еске салайық, Қанат Ислам (23-0, 19 КО) 26 мамырда Флоридада жекпе-жек өткізеді. Ол мексикалық Норберто Гонсалеспен жұдырықтасады. Бұл жекпе-жекті тікелей эфирде "Қазақстан" және Kazsport телеарналары көрсетеді.
