11 жастағы Өркен Азаматұлының өгей шешесі 25 жылға бас бостандығынан айырылуы мүмкін

25 Мамыр 2017, 18:26
0
11 жастағы Өркен Азаматұлының өгей шешесі 25 жылға бас бостандығынан айырылуы мүмкін -

Прокурор Арыстанбек Алекенов 11 жастағы Өркен Азаматұлын өлтірді деп айыпталған Шарипа Ақбердиеваны 25 жылға бас бостандығынан айыруды сұрады, - деп хабарлайды Tengrinews.kz тілшісі.

"Шарипа Ақбердиеваны ҚР Қылмыстық кодексінің 99-бабының 2-тарауының, 3, 7, 14-тармақтары ("Адамдар тобымен кісі өлтіру") бойынша, 125-бабының 2-тарауының 1,5-тармақтары ("Адамды ұрлау") бойынша және 132-бабының 4-тарауы ("Кәмелетке толмаған адамды қылмыстық құқық бұзушылықтар жасауға тарту") бойынша кінәлі деп тауып, осы баптардың жиынтығы бойынша 25 жылға бас бостандығынан айыруды және бала тәрбиелеу мен педагогикаға қатысты қызметпен айналысу құқығынан өмір бойына айыруды сұраймын", - деді прокурор.

18 мамырда өткен сот отырысы барысында Өркен Азаматұлын өлтірді деп айыпталған өгей шешесі жындыханада емделгенін мәлімдеген болатын. "Иә, мен 1994 жылы психиатрлық ауруханада емделдім, бірақ ол жақтан қашып кеттім. Әлі күнге дейін дәрі-дәрмек ішемін", - деген еді Шарипа Ақбердиева. Алайда Ақбердиева өзінің балаларына Өркенді өлтіруге тапсырыс бергенін мойындамады.

Осыған дейін 11 жастағы Өркен Азаматұлының өгей шешесі Шарипа Ақбердиеваның баланы өлтірді деген айыптармен келіспей отырғаны хабарланған болатын. Судья сотталушылардан бұл айыптаулар түсінікті ме деп сұрағанда Шарипа Ақбердиева: "Түсінікті, бірақ келіспеймін. Барлық сұраққа жауап беруге дайынмын" - деп жауап берген еді.

Еске салайық, бала 19 қаңтарда жоғалып кеткен болатын. Бұл туралы оның әжесі хабарлаған. 22 қаңтарда түнде Өркен Азаматұлының мәйіті Алматы маңындағы саяжайдың жертөлесінен табылған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай