Әділхан Ержановтың жас әкім жайлы сатиралық фильмінің премьерасы Роттердамда өтеді

06 Қаңтар 2016, 10:58
1
Әділхан Ержановтың жас әкім жайлы сатиралық фильмінің премьерасы Роттердамда өтеді - Фильмнің түсірілім тобы
Фильмнің түсірілім тобы
Әділхан Ержановтың жас әкім жайлы сатиралық фильмінің премьерасы Роттердамда өтеді - Фильмнің ресми трейлерінен алынған кадр.
Фильмнің ресми трейлерінен алынған кадр.

Әділхан Ержановтың "Қаратас ауылындағы оба" атты жаңа фильмінің көрсетілімі Роттердамда болатын кинофестивальде байқаудың негізгі бағдарламасы шеңберінде өтеді, - деп хабарлайды Tengrinews.kz тілшісі.

Режиссер бұл лентаны Soros Foundation-Kazakhstan қорынан алған алты мың доллар көлеміндегі грантының есебінен түсірді. Оның операторы - Едіге Несіпбеков, қоюшы суретші - Ермек Өтегенов, дыбыс режиссері - Саша Сухарев, продюсері - Серік Әбішев. Картинадағы басты рольдерді Нұрбек Мұқышев, Айбек Құдабаев, Баймұрат Жұманов, Төрі Талғат, Шыңғыс Әбіров, Олжас Шаханов сомдады.

Лента сюжеті бойынша, жас әкім ауылға келіп, өзінің өзгерістері мен ережесін енгізу арқылы жағдайды өзгерткісі келеді. Жергілікті билік пен тұрғындар жас реформаторға аса назар аудармайды, осылайша олардың арасында келіспеушілік пайда болады.

Роттердам халықаралық кинофестивалі (International Film Festival Rotterdam) - еуропалық ең атақты кинофестивальдердің бірі. Кинофестиваль 2016 жылы 27 қаңтардан бастап 7 ақпан аралығында өтеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай