Ағылшын журналы қазақстандық картинаны күтілетін үздік бес фильмнің қатарына қосты

04 Ақпан 2016, 14:29
0
Ағылшын журналы қазақстандық картинаны күтілетін үздік бес фильмнің қатарына қосты - Режиссер Әділхан Ержанов
Режиссер Әділхан Ержанов

Ағылшынның The Calvert Journal журналы "Қаратас ауылындағы оба" деп аталатын қазақстандық картинаны 2016 жылы күтілетін үздік бес фильмнің қатарына қосты, - деп хабарлайды Tengrinews.kz тілшісі. Айта кетейік, Әділхан Ержановтың жаңа фильмінің премьерасы Роттердамдағы кинофестивальдің негізгі конкурс бағдарламасының аясында өтті.

"Әділхан Ержанов - қазақстандық кинематографиядағы ең жарқын құбылыстардың бірі. Микроскоппен көруге болатын бюджетімен жұмыс істеуі мен құрып алған "партизандық" тобы Әділханға мемлекеттік цензураның елесі бар елде белгілі бір шығармашылық еркіндік береді және әлеуметтік критицизм шегінде фильм жасауға мүмкіндік жасайды, бұл бюрократияны өткір сынайтын "Құрылысшыларында" бар. "Қаратас ауылындағы оба" фильмінде жаңа әкім оба жайлаған шалғайдағы ауылға барады, ал жергілікті билік мұның жай ғана тұмау екенін сендірмек болады", - деп жазады шолуында Кармен Грей.

Ержанов сұхбатында бүгінгі қоғамның абсурдын көрсеткісі келетінін айтқан еді. "Социумның барлық қабатында сыбайлас жемқорлық және ұрлық сияқты көзге ұрып тұрған дүниелер бар, алайда бұл туралы ресми түрде айтпау керек. (...) Қазақстандық кинематографияда тарихтағы батылдықты көрсету немесе Голливудқа еліктеу бар да, заманды кино арқылы зерттеуге деген талпыныс жоқ", - деді ол.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай