Қастеев музейінде балаларға анимациялық фильмдер бір апта бойы тегін көрсетіледі, - деп хабарлайды Тengrinews.kz тілшісі киностудияның баспасөз қызметіне сілтеме жасап.
"Сиқырлы шам" мұражай-отбасылық өнер фестивалі аясында 2019 жылдың 18-28 маусым аралығында "Қазақ елі", "Күлтегін" және "Мұзбалақ" анимациялық фильмдері, сондай-ақ "Алаш туы астында" деректі фильмі Қастеев атындағы Қазақстан Республикасының Мемлекеттік өнер мұражайында көрсетілетін болады. Барлық фильмдер "Қазақфильм" АҚ-да Қазақстан Республикасы Мәдениет және спорт министрлігінің тапсырысы бойынша түсірілген.
"Фестиваль барысында мұражай залдарына балаларға кіру тегін және 15:00-ден бастап жоғарыда аталған фильмдермен мультфильмдерді балалар тегін көре алады. Көрсетілімдер Қастеев мұражайының дәрісханасы (1-қабатта) өтеді, 24-маусымнан бөлек (дүйсенбі - мұражайда демалыс күн)", - делінген хабарламада.
