"Тақтар ойынын" түсірушілер соңғы маусым қалай аяқталатынын айтты

15 Наурыз 2018, 11:22
0
"Тақтар ойынын" түсірушілер соңғы маусым қалай аяқталатынын айтты - © Mixnews
© Mixnews

"Тақтар ойыны" телехикаясын түсірушілер соңғы маусымда көрермендердің сүйікті кейіпкерлерінің көпшілігі мерт болатынын мәлімдеді, - деп жазады Variety порталы. 

Телехикаяны түсірумен айналысып жатқан команда соңғы маусым көрермендердің көңілінен шығады деген сенімде. 

"Бұл өміріміз бен мансабымыздағы өте маңызды кезең. Актерлер өздері сомдайтын кейіпкерлердің мерт болатындығына және олардың қалай қаза боларына да таңданды", - дейді HBO арнасының вице-президенті Франческа Орси.

Оның сөзінше, түсірілім тобы сценарийді оқыған соң 20 минут бойы қол шапалақтап, көздеріне жас алған. 

"Тақтар ойыны" телехикаясының соңғы маусымы 2019 жылы көрсетіледі деп белгіленген. Телехикая Джордж Мартиннің "Мұз бен жалын жыры" циклының негізінде түсірілген. Оқиға ойдан шығарылған екі құрлықта өрбиді, онда бірнеше ақсүйектер әулеті Весторстың жеті патшалығын билеу үшін таласады. Сонымен қатар, тылсым күштердің қаупінен адамзат жойылып кету алдында тұр. 

"Тақтар ойыны" оқиғаның егжей-тегжейін ашу, сюжеттердің күтпеген өзгерісі және ұнап үлгерген кейіпкерлердің аяқ-асты мерт болуымен көпшілікке ұнаған. Бұл телехикая тарихтағы ең танымалдардың бірі атанып, 38 "Эмми" жүлдесін иеленген. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай