+7 (777) 001 44 99
Қазақша
Русский
English
Ақтөбеде ұзақ уақыт бойы жалған шот-фактура жазумен айналысқан қылмыстық топ ұсталды, - деп хабарлайды Tengrinews.kz тілшісі.
Ақтөбе облысы бойынша экономикалық тергеу басқармасы "СТОП-Обнал" жедел профилактикалық шаралар шеңберінде ұзақ уақыт бойы нақты жұмыс жасамай, қызмет көрсетпей және тауарларды жөнелтпей жалған шот-фактуралар жазумен айналысқан қылмыстық топтың жолын кесті.
Күдіктінің достары мен туыстары атына тіркеліп, басқа да серіктестіктерге қызмет көрсетілді немесе тауар жеткізілді деген дерекпен 15 кәсіпорынды тіркеуге/қайта тіркеуге қала тұрғынының қатысқаны анықталды.
"Заңсыз әрекеттерінің нәтижесінде мемлекетке төленбеген салықтар мен бюджетке төлемдер түрінде 3,5 миллиард теңгеден аса көлемде аса ірі залал келтірген.
Тергеу амалдары ҚР Қылмыстық кодексінің 216-бабы 3-бөлігі бойынша жүргізіліп, қазіргі таңда қылмыстық іс сотқа жолданды", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
