Ақтөбе облысында мектеп оқушысы өзіне телефон сатып алу үшін студентті қорқытып, несие рәсімдеуге мәжбүрлеген. Кәмелетке толмаған күдікті уақытша ұстау изоляторына қамалды, - деп хабарлайды Tengrinews.kz тілшісі Рolisia.kz сілтеме жасап.
Полицияның мәліметінше, полиция бөліміне 17 жастағы колледж студентінің ата-анасы тонау туралы арыз жазған. Айтуларынша, бейтаныс жігіт ұлын өзіне телефон сатып алу үшін 330 000 теңгеге онлайн несие рәсімдеуге мәжбүрлеген.
"Полиция қызметкерлері қаладағы мектептердің бірінің 11-сынып оқушысын ұстады. Күдікті кінәсін мойындады. Осы факт бойынша Қылмыстық кодекстің 191-бабының 2-бөлігі "Тонау" бойынша сотқа дейінгі тергеу басталды. Осы баптың санкциясы мүлкін тәркілеумен жеті жылға дейін бас бостандығын шектеу түріндегі жазаны қарастырады", - деді полиция.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
