Ақтөбе Хром қосындылары зауытында жұмысшылар қаза тапқан соң №4 цехтің басшысы мен бөлім басшысы және учаске мастері ұсталды, - деп хабарлайды Tengrinews.kz тілшісі.
Ақтөбе облыстық полиция департаментінің мәліметінше, ҚР Қылмыстық кодексінің 156-бабының 4-бөлігі бойынша қылмыстық іс қозғалды. Қылмыстық іс аясында сыйымдылығы 50 текше метр бакты тазалау кезінде қауіпсіздік техникасы ережелері сақталмағаны анықталды. Ол жерде бұрын гидроксил химиялық заты сақталған.
"№4 цехтің басшысы мен бөлім басшысы, учаске мастері ұсталды. Оларға қатысты бұлтарпау шарасы ретінде қамауға алу туралы шешім шығарылды", - деді полицейлер.
Полиция мәліметінше, барлық сараптама тағайындалып, тергеу жүріп жатыр.
Еске салайық, қайғылы оқиға таяуда 28 мамырда болған еді. Резервуарда ыстық бу атқылауынан 4 адам қаза тауып, тағы екі адам ауруханада ауыр жағдайда жатыр.
Қазақстан жаңалықтары. Соңғы жаңалықтар. Telegram желісінде бізге жазыл!