+7 (777) 001 44 99
ПОДЕЛИТЬСЯ
Түркістанда бес облыстың тұрғындарын алдап кетті деген әйел ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Түркістанда бес облыстың тұрғындарын алдап кетті деген әйел ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Сайт мәліметінше, Түркістанда полиция бөліміне жергілікті тұрғын алаяқтың құрбаны болғанын айтып арызданған. Оның айтуынша, әйел WhatsApp арқылы "Криптовалюта" атты топ құрып, ақшаңды еселеп беремін деп алып, қайтармай қойған.
"Алаяқ жәбірленушіден бас-аяғы 200 мың теңгеге жуық ақша алған. Деректі полицейлер ҚР ҚК-нің 190-бабы 3-бөлігі ("Алаяқтық") бойынша тіркеп, жедел жұмыстарды жүргізді. Яғни, әлеуметтік желілердегі жалған жарнамалар мен банктік есепшоттарды тексерді. Жүргізілген жұмыстар нәтижесінде күдікті әйел тәулік ішінде анықталды. Ол 30 жастағы Түркістан қаласының тұрғыны болып шықты. Тексеру жұмыстары кезінде алаяқ бұдан бөлек 17 тұрғынды осындай жолмен алдап, ақшаларын алғаны анықталды", - делінген хабарламада.
Алаяқ құрбандары - Түркістан, Алматы, Жамбыл, Шығыс Қазақстан, Қызылорда облыстарының тұрғындары. Олар алаяқтың жалған сөзіне сеніп, бірнеше реттен 5 000 теңгеден 200 000 теңгеге дейін ақшаларын аударып отырған. Жәбірленушілерге келтірілген шығын көлемі - 2 миллионнан асады, деп жазды портал.
Қазіргі уақытта күдікті әйелге қатысты соталды тергеу амалдары жүргізіліп, іс сотқа жолданған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
