Алматыда жеті мектептің директорлары ақша жинағаны үшін жұмыстан шығарылды 23 қараша 2018, 17:10
Жыл басынан бері Алматыдағы жеті мектептің директорлары ақша жинағаны үшін жұмыстан шығарылды. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігінің "Саналы ұрпақ" жоба кеңсесінің жетекшісі Қайыржан Тоқышев мәлімдеді, - деп хабарлайды Tengrinews.kz тілшісі.
"Білім беру мекемелері жетекшілерінің жеке жауапкершілігі артты. Биыл Алматыдағы жеті мектептің директорлары ақша жинау деректерінен кейін жұмыстан босатылды. Олардың үстінен ата-аналардан арыз Қалалық білім басқармасы мен жоба кеңсесіне түскен. Оның ішінде жаңа оқу жылында тағы бір директор қызметінен босатылып, тағы үшеуі қатаң тәртіптік жазаға тартылған", - деп хабарлады Тоқышев баспасөз мәслихатында.