Алматыда "олигархтардың балалары" арасындағы төбелес тергеліп жатыр, - деп хабарлайды Tengrinews.kz тілшісі ҚР ІІМ телеграм-каналына сілтеме жасап.
Әлеуметтік желіде Алматыдағы караоке-барлардың бірінде болған төбелес тарады. Желі қолданушыларының айтуынша, төбелеске себепші болғандар Қазақстандағы танымал бизнесмендердің ұлдары мен олардың оққағарлары.
"Бұл дерек ҚР Қылмыстық кодексінің 293-бабының 2-бөлігі бойынша соталды тергеп-тексерудің бірыңғай тізіліміне тіркелді. Төбелеске қатысушылар анықталып, жауап алынды. Қақтығысқа қатысушылардың алған жарақаттары мен қылмыстың ауырлығын анықтау үшін сот-медициналық сараптамалар тағайындалды.
Қылмыстық істі Алматы қалалық полиция департаментінің тергеу бөлімі жүргізіп жатыр", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!