Алматы тұрғыны өзінің үлестес компаниялары арқылы түрлі коммерциялық ұйымдарға 6,5 миллиард теңгеге салық төлеуден жалтару бойынша қызмет көрсеткен, - деп хабарлайды Tengrinews.kz тілшісі Алматы прокуратурасының баспасөз қызметіне сілтеме жасап.
Алматы қаласының прокуратурасы Экономикалық тергеу департаментімен және Алматы қаласының сотымен бірлескен жұмыс аясында жалған шот-фактураларды шығару (ҚР ҚК-нің 216-бабы) және жазаның бұлтартпастығы туралы істер бойынша тиімді сот-тергеу тәжірибесін қалыптастыру бойынша тұрақты жұмыс жүргізеді.
"Нәтижесінде қала соттарына 19,5 миллиард теңгеге шот-фактуралар жазылған 8 қылмыстық іс жолданды. Осылайша, қолма-қол ақшаға айналдырушылар контрагенттерге 5,4 миллиард теңгеден астам сомаға салықтан жалтаруға көмектескені анықталған.
Осылайша, 5 кінәліге қатысты айыптау үкімі шығарылып және тағы 16-сы сот талқылауында, олардың алтауы 2 жыл бойы тұрақты қызмет еткен ұйымдасқан қылмыстық топты құрған", - делінген хабарламада.
Осыған байланысты Алматы қаласының прокуратурасы үшінші тұлғалар ақшалай сыйақы немесе бір жолғы пайда алу мақсатында меншік нысанына қарамастан өз атына ұйымдарды тіркеуді/қайта тіркеуді ұсынатын азаматтардан сақтандырады. Мұндай әрекеттер ҚР ҚК-нің 216-бабында көзделген қылмыстық жауапқа әкеп соғады.
Қазақстан жаңалықтары. Соңғы жаңалықтар. Telegram желісінде бізге жазыл!
