Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Астанада жалған кәсіпкерлікпен айналысқандар ұсталды

24 Шілде 2014, 13:59
0
©Тengrinews.kz
©Тengrinews.kz

Астана қаласының қаржы полициясы "Строй Комплекс Групп" ЖШС-нің мақсатсыз кәсіпкерлікпен айналысқаны мен мемлекетке 157 млн. теңге көлемінде салық төлемегендігін анықтады. Бұл туралы Тengrinews.kz Астана қалалық қаржы полициясының баспасөз қызметіне сілтеме жасап хабарлайды.

"Строй Комплекс Групп" ЖШС заңсыз кәсіпкерлікпен айналысып, мемлекетке салық төлеуден жалтарып келген. Серіктестікке тікелей қатысы бар Хамитова, Гайценредер, Маситова есімді азаматшалардың қылмыстық іс-әрекеті қаржы полициясының араласуынан кейін тоқтатылды", - делінген қаржы полициясының баспасөз қызметі таратқан мәліметте.

Тергеу кезінде анықталғаны, аталған серіктестік Ілиясова есімді өмірде жоқ азаматшаның атына рәсімделіпті. Қаржы полициясы оларды құрықтай алмай ұзақ уақыт іздеумен жүрген еді. Дегенмен екінші деңгейлі банк филиалдарының бірінде жалған кәсіпкерліктің  есепшоты арқылы 49 млн 100 мың теңге қаражатты алу кезінде Хамитова мен Матисаева құрықталды.

Тексеру кезінде айыпталушылардың кеңсесі мен пәтерлерінен коммерциялық ұйымның 56 мөртаңбасы, бухгалтерлік құжаттардың түпнұсқасы, кассалық чектер мен касса аппараттары және басқа да құжаттар тәркіленіп отыр. Қазір аталған іске қатысы бар азаматшалар тұтқындалып, қамауда отыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай