Астанада ломбардты тонағысы келген ұры қамалып қалды

14 Тамыз 2016, 11:08
0
Астанада ломбардты тонағысы келген ұры қамалып қалды - Куәгерлер жіберген сурет
Куәгерлер жіберген сурет

Астанада ломбардты тонағысы келген ұрының жолы кесілді, - деп хабарлайды Tengrinews.kz тілшісі астаналық ІІД-нің баспасөз қызметіне сілтеме жасап.

Полицияның мәліметінше, Кенесары көшесінің бойындағы "М-Ломбард" ғимаратына заңсыз кіруіне орай, дабыл жүйесі іске қосылып есіктер бұғатталды. Ломбардтың ішіне ер адам тонау мақсатында кіруі мүмкін.

Оқиға болған кезде ломбардтың ішінде келушілер болмаған. Аудан қоршауға алынып, полиция жұмыс істеп жатыр.

Еске салайық, Астанада Kaspi bank бөлімшесіне қарақшылық шабуыл жасалған болатын. 4 тамызда Астанадағы Kaspi bank бөлімшесіне медициналық бетперде таққан ер адам кіріп келген. Ол жейдесінің ішінде тұрған жарылғыш затты іске қосамын деп қорқытып, ақша талап еткен.

Шығын көлемі - 130 мың теңге және 80 АҚШ доллары. Қазіргі уақытта құқық қорғау органдары жедел-іздестіру шараларын жүргізіп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай