Атырау облысында УГ-157/10 қоныс колониясының басшысы сотталған адамнан пара алғанын мойындады, - деп хабарлайды Tengrinews.kz тілшісі Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігіне сілтеме жасап.
Оған қатысты қылмыстық іс тергеліп жатыр. "Лауазымды тұлғаның сотталған адамнан қоныс колониясында бос жүруге мүмкіндік бергені үшін 190 000 теңге пара алғаны анықталды. Ұсталған азамат өз кінәсін толықтай мойындады", - деп хабарлады баспасөз қызметіндегілер. Ведомство өкілдерінің мәліметінше, лауазымды тұлғаға қатысты "кепіл" түріндегі бұлтартпау шарасы қабылданған.
