"Азат" сауда үйіндегі өрт бойынша күдікті ұсталды

12 Наурыз 2014, 17:48
0
"Азат" сауда үйіндегі өрт бойынша күдікті ұсталды -  ©Тengrinews.kz
©Тengrinews.kz
"Азат" сауда үйіндегі өрт бойынша күдікті ұсталды -  ©Тengrinews.kz
©Тengrinews.kz
Алматыдағы "Азат" сауда үйінде болған өрт дерегі бойынша бутиктердің бірін жалға алушы ұсталды деп хабарлайды Tengrinews.kz қалалық төтенше жағдайлар департаментінің баспасөз қызметіне сілтеме жасап.

Мамандар өрттің сауда үйінің екінші қабатындағы №21 бутиктен шыққанын анықтады. "Жалға алушы өрт басталғанға дейінгі екі минут ішінде бутикте болған, күзетшінің айтуынша, ол сауда үйінен белгісіз бағытқа шығып кеткен", - делінген таратылған хабарламада.

Оқиға орнынан көмірсутек пен жылдам тұтанатын сұйықтықтың концентрациясы табылды. Қалдық заттар айғақ ретінде алынды. Жалға алушының аты-жөні анықталды. Оны қалалық ішкі істер департаментінің қызметкерлері қолға түсірді.

"Қазіргі уақытта өрттің шығуын анықтау мақсатында аталған тұлғадан жауап алынып жатыр", - дейді ТЖД мамандары. Сонымен бірге, "Қасақана от қою" бабы бойынша қылмыстық іс қозғау мәселесі қаралып жатыр, күдіктінің кінәсі дәлелденсе, ол бес жылға дейін бас бостандығынан айырылуы мүмкін.

Еске сала кетейік, "Азат" сауда үйі 11 наурызда өртенген болатын. Өрт туралы хабар сағат 11.08-де келіп түскен. 12.07-де ол толық залалсыздандырылды. Өрттің 250 шаршы метрді шарпығаны белгілі болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай