+7 (777) 001 44 99
Қазақша
Русский
English
Қазақша
Русский
English
"Азық-түлік келісімшарт корпорациясы" АҚ бұрынғы басшысы Бейбітхан Қабдрахманов үш жылға шартты түрде бас бостандығынан айырылды, - деп хабарлайды Tengrinews.kz тілшісі. Астана қаласы Алматы аудандық №2 соты оны Қылмыстық кодекстің 316 "Салақтық" және 310 "Кәсіпкерлік қызметке заңсыз қатысу" баптары бойынша айыпты деп таныды.
Сотталушыға мемлекеттік қызметте лауазымды иеленуге үш жылға тыйым салынды. Сот үкімі 9 қыркүйекте шығарылған. Оған шартты түрде берілген үш жыл жазаның екі жылы - сынақ мерзімі. Істің екінші фигуранты - Виктор Богданец те алдау жолымен немесе сенімді теріс пайдаланып және жалған құжаттар арқылы мүліктік шығын келтіргені үшін үш жылға шартты түрде бас бостандығынан айырылды. Сотталушылардан 710 мың теңге көлемінде сот шығыны өндірілді.
Еске сала кетейік, Бейбітхан Қабдрахманов 2013 жылдың маусым айында Астанада тұтқындалған болатын. Күдіктіге заңсыз сауда және "Богви" компаниялар тобына астық төлемдерін кейінге қалдыру жолымен мемлекеттің 12 миллиард теңгесін талан-таражға салды деген кінә тағылды. "Богви" компаниялар тобының жетекшісі Богданец 100 миллиард теңгені заңсыз иемденді деген күдікпен оның алдында - сәуір айында ұсталды.
