Дикий Арманды қамауда ұстау мерзімі тағы ұзартылды 06 маусым 2023, 16:00
Дикий Арман деген лақапатпен танымал Арман Жұмагелдиевті қамауда ұстау мерзімі ұзартылды, - деп хабарлайды Tengrinews.kz тілшісі Алматыдағы мамандандырылған ауданаралық тергеу сотына сілтеме жасап.
"2023 жылғы 5 маусымда сот шешімімен соталды тергеп-тексеру органы өтінішхаты қанағаттандырылып, қылмыстық іске қатысы бар Д-ның қамауда ұстау мерзімі екі айға 2023 жылдың 7 тамызына дейін ұзартуға санкция берілді", - делінген хабарламада.
Еске салайық, сәуірде Дикий Арманды қамауда ұстау мерзімі екі айға ұзартылған болатын.
Жұмагелдиев 7 қаңтарда ұсталғаны белгілі болды. Ол бес адамнан тұратын қылмыстық топпен Алматыда арнайы операция барысында ұсталды. Ұстау кезінде күдіктілерден төрт жартылай автомат, әртүрлі маркалы суық қару мен оқ-дәрілер және брондалған көлік тәркіленді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
- ПОДЕЛИТЬСЯ